Dy vëllezë në Pogradec janë vënë në pranga nga ana e policisë, pasi akuzohen për veprën penale “Kanosja për të mos kallëzuar, kryer në bashkëpunim”.
Bëhet fjalë për shtetasit E.M, 29 vjeç dhe D.M., 24 vjeç (vëllezër) banues në fshatin Buçimas, Pogradec.
Prokuroria pranë Gjykatës së Shkallës së Parë Pogradec ka urdhërurar ndalimin e tyre, pasi këta shtetas në bashkëpunim me njëri-tjetrin, kanë kanosur një 21 vjeçar që ky i fundit të mos kallëzonte në Polici në lidhje me ngjarjen e ndodhur në datë 17.09.2019, në rrugën e Tushemishtit, ku të tre këta shtetas për motive të dobëta, janë përfshirë në një konflikt fizik gjatë të cilit shtetasi D.M, ka dëmtuar edhe një xham feneri të mjetit në pronësi të 21 vjeçarit, thuhet në njoftimin Polcia.
Materialet në ngarkim të tyre i kaluan Prokurorisë të Rrethit për veprime të mëtejshme hetimore.
