Studiuesi Erald Kapri i është përgjigjur deklaratave të nënkryeministrit Erion Braçe, në 75-vjetorin e çlirimit të Tiranës.
E ndërsa Braçe në fjalën e mbajtur në një ceremoni, minimalisht nuk kërkoi falje për masakrën që komunistët kryen më 17 nëntor 1944 ndaj 36 martirëve, Kapri shkruan se pinjollët e krimit folën sërish sot me gjuhe urrejtjeje.
“Njësoj si 75 vjet më parë kur pushtuan vendin “në emër të aleatëve”, sot qeverisin në krim e korrupsion si “aleatë” të Perëndimit,” shkruan Kapri.
Reagimi i Kaprit, erdhi pasi Braçe u shpreh se disa qeveri kanë bashkëpunuar me fashistët. Ai tha se sot ata po përsërisin veten, duke i shpallur luftë SHBA-së dhe Perëndimit.
