Presidenti i Republikës, Ilir Meta, pritet të ftojë në një takim Këshillin e Ambasadorëve Shqiptar.
Burime thanë për “News24” se Meta pritet të ftojë për takim Këshillin e Ambasadorëve javën e ardhshme për t’i informuar për situatën e rëndë të funksionimit të shtetit ligjor, që sipas Kreut të Shtetit po rrezikon izolimin e vendit.
Kujtojmë që ditën e sotme, Meta ftoi në takim edhe kreun e opozitës së bashkuar, Lulzim Basha, dhe të gjithë aleatët e tij opozitar.
Në ftesën e zbardhur “News24”, Meta theksonte se vendi ndodhet në një situatë dramatike, dhe se takimi duhej zhvilluar sa më shpejt, mundësisht para datës 20 nëntor.
