Një i moshuar është gjetur i pajetë në banesë mëngjesin e sotëm në fshatin Panahor të Mallakastrës.
Burime zyrtare nga policia lokale bënë me dije se dyshimet janë se 67-vjeçari i ka dhënë fund jetës duke qëlluar veten me armë zjarri.
“Sot rreth orës 05:20, në fshatin Panahor, Mallakastër, në banesë, dyshohet se është vetëvrarë me armën e tij të gjahut shtetasi H.H, 67 vjeç. Arma me të cilën viktima ka vrarë veten ishte me leje në emër të viktimës. Grupi hetimor po punon për zbardhjen e plotë të ngjarjes”, njoftoi policia.
Numri i lartë vetëvrasjeve në vend vijon të mbetet shqetësues. Sipas të dhënave të INSTAT, vitin e kaluar, vetëvrasjen përbënin shkakun e tretë të vdekjeve në vend, pas atyre për shkaqe natyrale dhe aksidenteve rrugore.
