Kryetarja e LSI-së Monika Kryemadhi gjatë vizitës në SHBA, ka zhvilluar një takim me senatorin e Delaware, Christopher Coons. Kryemadhi bën me dije se temë diskutimi ka qenë situata politike në vend, por edhe çështje të nxehta të politikës së jashtme të rajonit. Gjithashtu Kryemadhi ka kërkuar një vëmendje më të shtuar të SHBA dhe Senatit të saj për Shqipërinë.
“Me Z.Christopher Coons, Senator i Delaware dhe stafin pata kënaqesinë të ndaja mjaft probleme çështje të brendshme në Shqipëri, por edhe disa nga argumentet më të nxehta të politikës së jashtme të rajonit tonë. Kërkova një vemendje më të shtuar të SHBA dhe Senatit të saj për Shqipërinë”, shprehet Kryemadhi në një reagim në rrjetet sociale.
Kryetarja e LSI prej disa ditësh ndodhet në SHBA ku ka mbajtur takime me komunitetin shqiptar atje dhe përfaqësues amerikanë.
