Emrat e artistëve që do të përformojnë të dielën në ceremoninë e përurimit të stadiumit të ri Arena Kombëtare janë zbuluar. Ndeshja Shqipëri-Francë do të paraprihet nga një spektakël që do të nisë me performancën e Era Istrefit.
Era do të këndojë këngën zyrtare të FIFA World Cup 2018, “Live it Up”. Në skenë do të ngjitet më pas Flori Mumajesi, i cili do të prezantojë një remix të këngës “Kuq e zi je ti”, pa Elvana Gjatën.
Aurela Gaçe do të interpretojë e treta në radhë këngën “Xhamadani vija vija”. Sa i takon himneve kombëtare, “Himni i Flamurit” do të këndohet nga Juliana Pasha. Ndërsa “La Marseillaise” do të këndohet nga Besa Kokëdhima, e cila ka studiuar dhe jetuar në Francë.
