“Air Albania” do të quhet përfundimisht stadiumi i ri kombëtar, lajm i konfirmuar zyrtarisht dhe nga Federata Shqiptare e Futbollit, e cila do të përfitojë 650 mijë euro në vit për një kontratë 5-vjeçare. Më pas kontrata do të rishikohet dhe lejohet të hyjnë në garë edhe kompani të tjera shqiptare.
Ndërkohë një ide interesante nga ana e FSHF-së, ku tribunat do të mbajnë emra futbollistësh.
Tribuna qëndrore do të emërtohet Tribuna Qemal Stafa, tribuna Lindore (Ballore) do të emërtohet Tribuna Panajot Pano, Tribuna Veriore do të emërtohet Tribuna Fatmir Frashëri, ndërsa Tribuna Jugore do të emërtohet Tribuna Vasillaq Zëri.
Zyrtarisht stadiumi i ri kombëtar do të hapë dyert në 17 nëntor në përballjen e fundit për eleminatoret e europianit 2020, ndeshjen kundër Francës.
