Iker Casillas është kthyer të jetë në qendër të vëmendjes, teksa së fundmi pas një postimi në “Twitter” ka hapur shumë debate.
Ish-portieri i Realit të Madridit, ka shkruar në profilin e tij në “Twitter” në lidhje me temën e lojtarit më të mirë të vitit, ku sipas spanjollit po veprohet pa logjikë.
“Van Dijk fitoi çmimin e lojtarit më të mirë të vitit nga UEFA. Messi fitoi çmimin e lojtarit të vitit nga FIFA. Imagjinoni nëse Cristiano fiton “Topin e Artë” (meritat shkojnë për të), më duket sikur rruga që zgjidhet për të nxjerrë fituesin është pa logjikë apo jo? Reflektimi i së premtes”. – mbyll postimin e tij Casillas.
