Brazili dhe Argjentina do të përballen ditën e sotme në një nga rivalitetet më të mëdha, në botën e futbollit.
Dy gjigandët Amerikano-Jugor, u përballën me njëra tjetrën në korrik në fazën e gjysmë-finaleve të turneut “Copa America”, ku brazilianët fituan me rezultatin 2-0, ku më vonë fituan dhe turneun.
Edhe pse vetëm një miqësore, “albicelestët”, do të kërkojnë që t’i japin fund ecurisë negative ndaj Brazilit, ku në gjashtë ndeshjet e fundit kanë arritur vetëm një fitore.
Argjentina do të ketë formacionin e plotë, ku sulmin pritet ta udhëheqë treshja, Messi-Aguero-Lautaro Martinez, ndërsa nga ana tjetër mungesa e madhe për Brazilin do të jetë Neymar, i dëmtuar, dhe në mungesën e tij, sulmin brazilian priten ta udhëheqin Coutinho-Firminho-Richarlison.
Ndeshja zhvillohet sot, ora 18:00.
