Sekretarje e Përgjithshme e PDIU-së, Mesila Doda thotë se nëse Gjykata Kushtetuese zaptohet me forcë nga maxhoranca, mbetet vetëm rruga e parë që tregoi sot Presidenti i Republikës, pra shpërndarja e parlamentit.
Nëpërmjet një postimi në “Facebook” se të gjithë shqiptarët që duan të jetojnë në këtë vend duhet t’i tregojnë kryeministrit Rama kuptimin e fjalës rezistencë.
“Nëse Gjykata Kushtetuese zaptohet me forcë nga kjo maxhorancë mbetet vetëm rruga e parë që sot tregoi Presidenti i Republikës, për të gjithë shqiptarët e vërtetë…
Të gjithë shqiptarët që ende sot duan të jetojnë në këtë vend duhet t’i tregojnë këtij të çmenduri kuptimin e fjalës rezistencë… me pushtuesin, shqiptarët dinë si duhet të sillen”, – shkruan Mesila Doda.
Ndërkohë që Meta deklaroi gjatë konferencës për shtyp ditën e sotme: “Këtu kanë mbetur tre rrugë nëse Presidenti do të pranonte këtë gjë, ose njerëzit për ndryshimin të marrin armët, gjë që është e dënueshme dhe e papranuesheme, ose të bëhen skllevër e një regjimi njëpartiak, gjë që e kanë provuar për 40 vite, ose të ikin të gjithë nga Shqipëria. Të treja janë të papranueshme, por ato dy të fundit për mua janë tmerrësisht të papranueshme”.
