Franca e cila bën pjesë në Grupin H, aty ku është dhe Shqipëria, arriti një fitore të vështirë ndaj modestëve të Moldavisë me rezultatin 2-1.
Sulmuesi Chelsea-t, Olivier Giroud shënoi golin e fitores nga pika e bardhë e 11 metërshit, në minutën e 79-të të ndeshjes.
Me këtë fitore, duke përfituar dhe nga ndalesa e Turqisë me Islandën, Franca merr kryesimin e grupit në kuotën e 22 pikëve e ndjekur nga Turqia me 20 pikë të grumbulluara.
Të dyja skuadrat janë të kualifikuara, dhe ndeshja e fundit do të luhet për kreun e grupit, ku Franca do të luajë ndaj Kombëtares Shqiptare në stadiumin “Arena Kombëtare”, ndërsa Turqia luan në transfertën e Andorrës.
