Wade Robson dhe James Safechuck kanë vërtetuar atë që prokurorët e panumërt nuk arritën dot ta bënin: Michael Jackson ishte një ngacmues i rregullt fëmijësh. Dy nga viktimat janë përballur fillimisht me një pengesë të madhe: Pretendimet e tyre janë paraqitur më shumë se një vit, pasi mbreti i Pop-it u nda nga jeta, në vitin 2009. Viktimat kanë treguar se në këmbim të heshtjes, Jackson paguante familjarët me shuma të mëdha parash.
Robson, i njohur si korografi i Britney Spears dhe i Justin Timberlake dhe Safechuck, i cili është shfaqur një herë në një reklamë të Pepsi-t, së bashku me Michael Jackson, kanë rrëfyer bëmat e yllit të Pop-it, duke tronditur edhe një herë tjetër opinion publik. Jackson, në fakt gjithmonë e ka mohuar me forcë abuzimin me fëmijët. Në të gjitha pretendimet e paraqitura dhe dokumentet e depozituara në gjykata, ai kryesisht e ka shmangur pyetjen rreth marrëdhënies së tij me djemtë e rinj, duke këmbëngulur se kurrë nuk do të abuzonte me fëmijët.
Michael Jackson ka paguar 200 milionë dollarë tek më shumë se 20 viktima. Safechuck ka treguar se e ka takuar Jackson-in për herë të pare kur ishte vetëm 8 vjeç, në vitin 1987dhe një vit më vonë, ai ka dëshmuar se është ngacmuar seksualisht nga ylli i Pop-it. Por më vonë, Michael ka firmosur një çek prej 1 milionë dollarësh për të atin e tij.Sipas rrëfimit të Safechuck, Michael e vishte atë gjithmonë si veten dhe e prezantonte si kushëririn e tij.
Nga ana tjetër, edhe Robson ka vërtetuar ngacmimin e mbretit të Pop-it. Ai ishte 7 vjeç, kur Michael Jackson e ka ngacmuar për herë të parë: “Kam jetuar për 22 vjet në heshjte dhe në mohim”- ka thënë ai.Robson dhe Safechuck e mbyllin rrëfimin e tyre duke thënë se drejtësia duhet të vihet në vend, megjithëse tashmë duket se është vonë.
Nëse pretendimet e 32-vjeçarit Robson dhe 36-vjeçarit Safechuck rezultojnë të vërteta, ata do të përfitojnë një avantazh mbi rastet e mëparshme. Falë rregullave të zbuluara për rastet civile, dyshja do të bëhet pjesë e provave të përjashtuara nga procesi penal, duke përfshirë, për herë të parë, edhe shumën që Jackson u ka paguar viktimave të supozuara.
