Një ngjarje e rëndë ka tronditur qytetin e Rrëshenit në orët e vona të mbrëmjes së djeshme.
Një vajzë e re i ka dhënë fund jetës duke u hedhur nga kati i 11 i një pallati në ndërtim ku jetonte familja e saj.
Raportohet se viktima quhet Adela Gjoka, e cila ishte në vitin e fundit në fakultetin e Inxhinierisë së Ndërtimit në Tiranë, ndërsa ditët e fundit kishte shkuar në familjen e saj në Rrëshen pasi ndodhej në gjendje të rënduar shëndetësore.
Familjarët e Adelës i kanë thënë mediave se pak ditë më parë ajo kishte shkuar në spital për kontroll por asngjë nuk kishte ndryshuar në gjendjen e saj shëndetësore. Por mbrëmë në orën 23:00 lajmi që nuk e prisnin u ka krijuar një tronditje të madhe.
Stresi i provimeve dhe problemet e rënda ekonomike dyshohet se e kanë shtyrë Adela Gjokën drejt vetëflijimit.
Vetë i ati i Adelës punonte si roje në pallatin ku ata banonin, pasi dhe banesën i’ua kishte falur pronari sepse nuk kishin mundësi ekonomike.
Vdekja e të resë ka tronditur komshinjtë dhe gjithë qytetin e Rrëshenit. Mësohet se Adela u mbyll në tualet dhe kishte lidhur në sy një shami në momentin kur është hedhur nga pallati, ndërsa britmat e saj i kanë tmerruar të gjithë.
