Anglia zhvilloi mbrëmjen e djeshme, ndeshjen e saj të 1000-të në “Wembley”, duke fituar me rezultatin e thellë 7-0 ndaj Malit të Zi.
Me këtë rezultat, Anglia e drejtuar nga Southgate, kualifikohet për në Kampionatin Europian që zhvillohet verën e ardhshme.
Harry Kane në këtë ndeshje, shënoi tre gola, duke arritur në shifrën e 31 golave me kombëtaren duke kaluar Alan Shearer, Tom Finney, Nat Lofthouse, dhe është golashënuesi i gjashtë më i mirë i Anglisë.
Anglia bën pjesë në Grupin A, dhe e udhëheq grupin në kuotën e 18 pikëve, ndërsa në vendin e dytë, është Republika Ceke me 15 pikë të grumbulluara, e cila me fitoren direkte ndaj Kosovës siguroi edhe ajo kualifikimin, ndërsa Kombëtarja e Kosovës gjendet në vendin e tretë në kuotën e 11 pikëve.
