Ish-kryeministri Sali Berisha, i ftuar në Abcnews, ka komentuar përplasjen institucionale mes presidentit dhe parlamentit.
Sipas tij ata që fshihen pas këtij kurthi janë kreu i KED, Ardjan Dvorani dhe kryeministri i Shqipërisë Edi Rama.
Berisha theksoi se KED ka luajtur lojën e Ramës me qëllim që të nxjerrë jashtë funksionit presidentin e Republikës.
‘Dvoran është skllav i krimit, është vlerësuar si një nga funksionarët më të lartë të korruptuar, ka 100 milionë që nuk i justifikon. Ky individ që është në kundërshti me Kushtetutën pasi nuk është magjistrat, bashkë me Ramën kërkon të ngrejë kurthet e shtetit. Ky njeri erdhi në KED në kundërshti me ligjin dhe kushtetutën, ky nuk e kalonte vettingun. Kushtetuta e urdhëron atë, që për çdo gjykatës do keshë 3 kandidatura. Çfarë bëri ai, ai çoi për 4 kandidatë 4 kandidatura në vend të 12 kandidatura. Unë e kuptoj po të thotë se këto lista mi sollën, por këto lista nuk plotësojnë kushtin Kushtetues. Si ua shet shqiptarëve ky, fut të njëjtin emër në 3 lista, gjë e turpshme. Besnim Muçi, Arta Vorpsi, Elsa Toska dhe Papajorhgji, këta janë emrat. Një tjetër që i plotëson të gjitha kushtet ai e lë jashtë, e lë të katërtën vetëm se bashkëjeton me një ish-deputet demokrat. Ekipi i vettingut i drejtuar nga Edi Rama është marrë për dy vjet me Marsidën për vetting, pas dy vitesh kur nuk gjetën asgjë deklaruan se nuk bëjnë vetting pasi ajo nuk është magjistratë. Ju deshën dy vite korruptorëve të mësojnë se Xhaferllari nuk është magjistratë. Kushtetuta është e qartë, vakancën e parë e emëron presidenti i republikës, presidenti e emëroi vakancën e parë, Muçin. Vakancën e dytë e miraton parlamenti, çfarë bëri Dvorani, në të njëjtën ditë e firmos vetë dhe pastaj ja çon presidentit, në mënyrë që presidenti të kishte një kohë më të shkurtë, që në rast se presidenti nuk e ushtron detyrën ta emëronte ky gjyqtarin, kjo me qëllim që të nxjerrin presidentin jashtë loje’, tha Berisha.
