Elseid Hysaj po pret janarin, sepse duket i sigurt për transferimin te Roma. Napoli do të jetë thjesht një ish-skuadër për të, sepse nuk ndihet më komod atje.
Problemi është se drejtuesit e klubit verdhekuq nuk janë të gatshëm për t’i kënaqur kërkesat financiare të presidentit De Laurentis i cili kërkon 25 milionë euro.
“Corriere dello Sport” raporton se zgjidhja është ndoshta Florenzi, i cili te Roma aktualisht nuk luan dhe për të nuk mungojnë oferta. Opsioni i shkëmbimit mes tyre nuk duket keq.
Një skenar tjetër është edhe shitja e Florenzit diku tjetër ku Interi është interesuar, por shitja e tij nuk është se sjell paratë që duhen për Hysajn.
