Kryetarja e LSI, Monika Kryemadhi vijon vizitën dhe takimet e saj në Shtetet e Bashkuara. Së fundmi, Kryemadhi është takuar në Kongresin Amerikan me kryetarin e nënkomisionit për Europën dhe EuroAzinë, William Keating.
Sipas asaj që shkruan kryetarja e LSI, biseda meKeating u fokusua te Shqipëria, roli i Nato-s dhe mbështetja e palëkundur e Shqipërisë për aleancën euroatlantike si dhe bashkëpunimi prioritar me SHBA për të ringritur vlerat demokratike në Shqipëri.
Ja çfarë shkruan Kryemadhi në postimin e saj të rradhës:
Në Washington në një javë tepër intensive në Kongresin Amerikan me moton: ‘Për një vëmendje sa më të shtuar të SHBA në Shqipëri si një mbështetje jetike për të sotmen dhe të ardhmen e rrezikuar në mënyrë kritike në vendin tonë për shkak të qeverisjes së kapur nga korrupsioni, krimi i organizuar dhe riciklimi i parave të pista’.
Zhvillova një takim të veçantë me Z.William Keating, Kryetar i NënKomisionit për Europën, Euroazinë, Energjinë dhe Mjedisin, në dhomën e përfaqësuesve të Kongresit Amerikan.
Biseda me Z.Keating u fokusua te Shqipëria, roli i Nato-s dhe mbështetja e palëkundur e Shqipërisë për aleancën euroatlantike si dhe bashkëpunimi prioritar me SHBA për të ringritur vlerat demokratike në Shqipëri.
Theksova se: Qënia e një vendi të denjë për aleancën e NATO-s fillon pikërisht nga vlerat demokratike të vetë vendit. Te niveli i demokracisë, të checks and balances, tek liria e medias dhe tek garantimi i plotë i të gjitha lirive dhe të drejtave të qytetarëve si themeli i një demokracie funksionuese.
Gjithashtu fola për rëndësinë, që ka për Shqipërinë si anëtar i NATO-s dhe për popullin shqiptar rritja e prezencës së SHBA në realizimin e zgjedhjeve të lira e të ndershme, për një sistem drejtësie funksional e të pavarur dhe për vazhdimin e palëkundur të rrugëtimit euro-atlantik të vendit.
