Verën që lamë pas, Everton pagoi plot 30 milionë sterlina për të nënshkruar me Moise Kean.
Talenti italian bëri një sezon shumë të mirë nën urdhrat e Massimilian Allegrit, duke e bindur Evertonin për ta blerë.
Por performancat e sulmuesit, në kampionatin anglez nuk kanë qenë aspak të mira, ku madje është dënuar nga Evertoni, për shkak të vonesave në mbledhjen e ekipit, rast që përsëritej për të dytën herë.
Siç raportojnë mediat italiane, Raiola e ka dëgjuar klientin e tij dhe ka nisur bisedimet me drejtuesit e Milanit, duke ia ofruar kartonin e Kean.
Fjalën e fundit për shërbimet e sulmuesit italian pritet ta japë trajneri Pioli, brenda këtij muaji.
