Atlanta Hawks mundi një skuadër shumë të fortë si Denver Nuggets me rezultatin 125-121.
Ylli i padiskutueshëm i kësaj ndeshje për “Hawks”, siç ka qenë shpesh në këtë sezon ishte Trae Young, me 42 pikë dhe 11 pasime.
Ajo çka e bën të veçantë këtë statistikë është fakti, se Young është basketbollisti më i ri në moshë në historinë e NBA-së, që realizon në 3 ndeshje radhazi mbi 30 pikë e 10 pasime.
Trae Young është vetëm 21 vjeç dhe është në sezonin e dytë në NBA, dhe shpesh nga specialistët konsiderohet për nga cilësitë si një bashkim i legjendave si Steve Nash për nga inteligjenca në lojë dhe me Stephen Curry-n, për aftësinë e jashtëzakonshme për gjuajtjet në 3 pikë.
