Aktorja e njohur puerto-rikane, Jeimy Osorio e cila tashmë është e njohur edhe në Shqipëri me rolin e Marianas në serialin “Beti në Nju Jork”, që transmetohet në Top Channel i ka dhënë fund beqarisë. Jeimy është martuar me aktorin Rodrigo Gimenez.
Çifti ka mbajtur një ceremoni shumë private dhe fotot nga martesa i publikoi vetë aktorja 30-vjeçare.
Ajo u shfaq e veshur në ceremoni me një fustan të thjeshtë e dukej shumë elegante teksa të ftuar ishin vetëm familjarët e miqtë e ngushtë.
“Faleminderit univers që na dëgjove. Rroftë dashuria”, shkruan Jeimy në fotot e publikuara në rrjete sociale ku jep lajmin e bukur të martesës.
