Tre kandidatët e mbetur në garë për postin e kryeprokurorit do të merren në pyetje nga Këshilli i Lartë i Prokurorisë. Arta Marku, Fatjona Memçaj dhe Olsjan Çelaj brenda ditës së mërkurë do të shpalosin para KLP-së programin e tyre për drejtimin e organit të akuzës, një prej institucioneve shumë të përfolura.
Aktualisht në krye të këtij institucioni që prej dhjetorit të vitit 2017 ndodhet Arta Marku, e cila mori votat e mazhorancës në një seancë të Kuvendit, ku nuk munguan edhe hedhja e tymueseve. Opozita e konsideroi një proces të parregullt.
Në orën 09:30 minuta para anëtarëve të KLP-së do të flasë Arta Marku. Ndërkohë në orën 11:00 do të jetë kandidatja e dytë Fatjona Memçaj dhe i treti në listë është Olsjan Çela, i cili do të pyetet në orën 12:30 minuta.
