Një situatë e rënduar ka qenë gjatë ditës së martë në kufirin mes Izraelit dhe Palestinës ku militantët e Hamasit kanë lëshuar me dhjetëra raketa në drejtim të qyteteve hebreje.
Përplasjet e fundit në kufi konsiderohen si ndër më të dhunshmet e ditëve të fundit dhe për këtë arsye kanë sjellë dhe reagimin e ashpër të ushtrisë së Izraelit.
Bëhet me dije se si pasojë e bombardimeve të forcave izraelite ka humbur jetën një komandant i lartë i militantëve që i përkiste grupimit “Xhihadi Islamik”.
Përleshjet në kufirin e Gazës kanë sjellë reagimin e menjëhershëm të faktorit ndërkombëtar, i cili iu bëri thirrje palëve të tërhiqen nga aktet e dhunës që iu marrin jetën qytetarëve të pafajshëm.
