Në zonën e Unazë së Re, pranë sheshit Shqiponja, ku nis edhe loti I i unazës së madhe, do të shemben 33 objekte, që variojnë nga 1 deri në 4 kate.
Sipas të dhënave zyrtare të IKMT-së, që nisi sot shembjen e godinave, pasi më parë policia ushtroi terror ndaj banorëve, madje duke përdorur edhe gazin lotsjellës, 12 prej pronarëve nuk do të përfitojnë dëmshpërblim, pasi janë skualifikuar nga procesi i legalizimit.
Sikundër raportohet, një pjesë e grave dhe fëmijëve nuk pranojnë të dalin nga banesat e tyre, ndërkohë që fadromat kanë nisur shembjen e disa objekteve.
Si rezultat i përplasjeve, raportohet se 12 persona janë plagosur ose lënduar, por asnjë nuk është në rrezik për jetën
Të plagosurit janë dërguar në spitalin e Traumës, ku 5 prej janë punonjës policie. Dy nga qytetarët e lënduar janë helmuar nga gazi toksik i hedhur nga policia kundër banorëve.
