Pas përplasjeve që ndodhën mëngjesin e sotëm tek Astiri, rrjeti ka ironizuar braktisjen që opozita dhe deputetët i bënë kësaj kauze në momentin kur ndodhi përplasja.
Personazhi kryesor i memeve është Klevis Balliu dhe arsyetimi i tij se trafiku e pengoi të shkonte në mbështetje të banorëve, kur dihet fare mirë se në orën 05 të mëngjesit, Tirana është bosh dhe të gjithë që lëvizin është orari më i mirë për të mos patur trafik.
Që prej mëngjesit të sotëm, IKMT dhe IMT të mbështetur nga policia, kanë nisur aksionin për shembjen e banesave te zona e Astirit, në kuadër të projektit për rikonstruktimin e rrugës nga Sheshi Shqiponja deri te mbikalimi pranë Pallatit me Shigjeta. Aksioni është kundërshtuar nga banorët, të cilët janë përplasur me policinë, duke shkaktuar të plagosur nga të dyja palët. Gjatë aksionit, krahas dhunës fizike, policia ka përdorur edhe gaz lotsjellës. Banorët e kanë cilësuar Policinë “një bandë shtetërore”.
Problematike për qytetarët mbetet edhe kordoni policor që i pengon ata të lëvizin lirshëm.
