Nga Boldnews.al
Nuk kishte ndodhur kurrë, as mund të imagjinohej se mund të ndodhte, por me kryeministrin Edi Rama tashmë e pamundura bëhet e mundur, për të zezën tonë, për keq. Në samitin e Ohrit, ose ajo që njihet si “Minishengeni i Ballkanik”, Kosova refuzoi të merrte pjesë, por kjo nuk e pengoi aspak kryeministrin Edi Rama, që me mikun e tij tashmë të shpallur Aleksandër Vuçiç, të ndërmarrin një nismë që nga pala zyrtare në Kosovë, është konsideruar si mision që synon “Jugosllavinë e madhe”.
Qëllimi është që të lehtësohet lëvizja e lirë e njerëzve dhe mallrave mes të gjashtë vendeve të Ballkanit Përëndimor dhe indirekt i jep një superfuqi serbisë jo më në zotërimin klasik të Ballkanit nëpërmjet kufijve, por kontrollit politik, ekonomik e për pasojë edhe diktat të rëndë për vite e apo dekada.
Dy shtete skeptike të kësaj nisme mbesin Kosova dhe Mali i Zi, të cilët i druhen një fuqizimi edhe më të madh të serbisë. Që Beogradi zyrtar e ka pasur dhe e ka në politikat e saj shtrirjen sa më të madhe të ndikimit në Ballkan kjo nuk është e re, por që në krahë të kësaj ideje (qoftë edhe nga injoranca) të dalë një shqiptar, për më shumë kryeqeveritar, kjo përbën një rast të paprecedent, duke rikthyer periudhën e errët të viteve 1944-1949, kur diktatori Enver Hoxha gati i lëshoi të gjithë pushtetin Jugosllavëve dhe mikut të tij Tito.
Ndodhi edhe ajo që askush shqipfolës nuk do kishte dëshirë ta dëgjonte. Në prani të presidentit serb Vuçiç, kryeministri Edi Rama kritikoi Kosovën për mospjesëmarrjen, duke u shprehur: “ajo u vëtëparjashtua” dhe se nisma do të vijojë me apo pa ata.
Kjo gjuhë urrejtjeje, e dalë nga goja e shprishur prej kohëshm e kryeministrit tonë, është “arma” më shfarosëse që Serbia ka përdorur ndonjëherë kundër popullit të Kosovës. E provoi me bombardime, ekzekutime, shpopullime masive dhe çdo formë tjetër gjenocidi, por nuk mundi të zhdukte luftën për liri të një populli të vogël që prej shekujsh qëndroi nën pushtim, atë Serbia po e arrin sot, nga politikat e kryeministrit Shqiptar.
Lideri i LDK-së, Isa Mustafa që tashmë si subjekt do jetë pjesë e bashkëqeverisjes me Vetëvendosjen, u është përgjigjur deklaratave të kryeministrit Edi Rama në Ohër për krijimin e “mini-Shengenit” Ballkanik. Mustafa thotë se s’dëshiron ta shohë më askënd duke përjetuar edhe një herë Jugosllavinë.
“Ne që e kemi përjetuar Jugosllavinë nuk dëshirojmë ta përjetojmë edhe njëherë. Edhe atyre që nuk e kanë përjetuar, nuk ua dëshirojmë”, – ka thënë Mustafa. “I kam shprehur qëndrimet e mia dhe te LDK-së në postimin tim lidhur Mini-shengenin dhe Mini-jugosllavët”, – ka shtuar ai.
Përtej deklaratave, mbetet e qartë se politikisht Rama ka kryer një nga gafat më të mëdha në histori. Shqipëria dhe Kosova për çdo nismë kombëtare apo ndërkombëtare, duhet të kenë një qëndrim unik. Përjashtimi i Kosovës është nderi më i madh që sot i bëhet politikës malinje të Beogradit, e cila përdor çdo formë që shteti më i ri në botë të qëndrojë nën trysninë e vendit të tij, edhe pse i shkaktoi luftën e tmerrshme, dhunimet, vrasjet, masakrat mbi civilë, përdhunime dhe mijëra të zhdukur.
Nuk është kohë e “hakmarrjes” por e politikave në interes kombëtar. Jemi në fatkeqësi si komb, pasi pikërisht në këto momente kur pjesa e shpërndarë me dhunë shqiptare ka një shans për të rikuperuar padrejtësitë historike, shfaqet një individ që shemb gjithçka për propagonizmin e tij shumë të ulët.
Si mundet që kryeministri Edi Rama të jetë nismëtar i një politike në Ballkanin Perëndimor ku Kosova refuzon të marrë pjesë? Edhe nëse pala kosovare të jetë gabim në këtë pikë një pyetje e madhe ngrihet. A është konsultuar Rama me ekspertë ekonomik, diplomatë karriere, apo qoftë edhe me “eruditin” Cakaj për këtë nismë?
Ekspertët e ekonomisë i druhen idesë së nëshkrimit të një marrëveshje të “Minishengenit Ballkanik” që synonin lëvizjen e lirë të njerëzve dhe mallrave. Pikërisht kjo e fundit do jetë edhe rrënimi ynë nëse çmendurisht marrëveshja shkon deri në fund.
Serbia është prodhuesja më e madhe në Ballkan, si në produktet bujqësore ashtu edhe industriale. Krijimi i një “lirie ekonomike” në Ballkan do i jepte një superfuqi, ku së pari do rrënonte atë pak bujqësi që mbahet vendi ynë dhe mallrat serbe do “pushtonin” të gjithë Ballkanin.
Ekonomikisht mbi përfitime apo kosto ne jemi të humbur, pasi pesha anon nga kosto të rënda. Politikisht jemi të humbur që pa u vënë në zbatim kjo ide. Serbia fërkon duart teksa sheh që politika në Tiranë dhe Prishtinë është në pikën më të errët të saj, për të mos thënë në pragun e një “lufte të ftohtë” dhe ngrirje të marrëdhënieve dypalëshe.
Çmenduri, por e vërtetë. Sot Kosova ka ende në fuqi taksën 100 % ndaj mallrave serbe, por kryeministri Edi Rama i jep dorën mikut Vuçiç. Jo më larg se dje presidenti serb në çiltërsi dha një deklaratë që flet më shumë se çmenduria e një të marri 194 centimetra…
“Mini-Shengeni ballkanik është një nismë shumë e mirë për vendin tonë. Është e rëndësishme se si u morëm vesh në një kohë të shkurtër për të arritur një marrëveshje që është në të mirë të qytetarëve tanë. Mund t’ju them se 260 milion euro do të jetë kursimi nga kjo marrëveshje. Shpresojmë që në të ardhmen të behën pjesë edhe disa vende të tjera. Do shikohet sa e rëndësishme do të jetë për një prodhues nga Jugu apo Veriu që t’i eksportojë ato”-tha Vuçiç.