Këshilltari Ligjor i Presidentit, Bledar Dervishi i ftuar në emisionin “360 Gradë” në RTV Ora tha se Këshilli i Emërimeve në Drejtësi nuk zbatoi ligjin në hartimin e listave për krijimin e Gjykatës Kushtetuese.
“KED nuk ka arritur të përmbushë një tjetër detyrim ligjor, që kur thotë ligji dhe kushtetuta, që kur ka më shumë se një vend vakant këshilli harton dy lista. Një me avokat, profesor dhe një me gjyqtar. A e bëri këtë KED? Që t’i ofronte organeve të emërtesës dy mundësi zgjedhjeje. Nuk e bëri! Sot Këshilli na solli që për 4 vende, 4 kandidatë”, tha ai.
