Rëndohet bilanci i viktimave në aksidente në rrugët e vendit brenda pak orëve. Mbrëmjen e djeshme, një tjetër i ri humbi jetën pasi dy mjete u përplasën në aksin rrugor Tiranë-Elbasan. Si pasojë ka ndërruar jetë në spital nje adoleshent dhe tre te tjere jane lenduar, bëri me dije policia.
Viktima është Kristian Vasili 17-vjeç, i cili ndodhej si pasagjer në makinën luksoze Mercedes Benz.
SI NDODHI
“BalkanWeb” raporton se aksidenti ndodhi mbrëmë në aksin rrugor Mjull- Bathore në drejtim të Saukut. Mjeti tip ‘Benz’ me targe AA 131 ZZ, me drejtues shtetasin me inicialet F. F., ka humbur kontrollin dhe ka goditur një ‘Porsche’, i cili ka qenë i ndaluar në karaxhatë.
Nga verifikimet e policisë shkak për aksidentin ka qenë shpejtësia tej normave të lejuara çka ka bërë që mjeti të humbasë kontrollin. Si pasojë e përplasjes ka gjetur vdekjen pasagjeri, i cili ndodhej në mjetin ‘Benz’, shtetasi me inicialet K. V., 17 vjeç dhe janë dëmtuar lehtë 3 shtetas të tjerë të cilët kanë qenë pasagjer në të dy mjetet e aksidentuara.
Këto janë pamjet pas aksidentit, publikuar nga tvklan:
