Sonte në mbrëmje, ora 20:45, zhvillohet supersfida midis Juventusit dhe Milanit, e vlefshmë për javën e 12-të, të Seria A.
Të dyja skuadrat vijnë në këtë sfidë në situata të ndryshme , Juventusi i Sarrit, pavarësisht lojës produktive dhe vështirësive në arritjen e rezultatit, përsëri nuk ka pësuar asnjë humbje, ku në 11 javë kampionat kanë arritur të sigurojnë 9 fitore dhe 2 barazime.
Ndërsa nga ana tjetër, Milani, gjendet në një situatë tepër të vështirë dhe pavarësisht ndryshimit të trajnerit problemet janë përsëri aty.
Juventusi gjendet në vendin e dytë dhe do të kërkojë të rimarri kryesimin pasi e humbi atë mbrëmë pas fitores së Interit ndaj Veronës, ndërsa Milani gjendet në vendin e 13-të, ku në 11 ndeshje kanë grumbulluar vetëm 13 pikë.
Në ndeshjet e tjera të Seria A, Lazio pret në shtëpi Leccen, ndërsa Roma udhëton drejt Parmës.
Sipas mediave italiane këto do të jenë dhe formacionet e skuadrave:
Juventus: Szczesny; Cuadrado, Bonucci, De Ligt, Alex Sandro; Bentancur, Pjanic, Matuidi; Bernardeschi; Higuain, Cristiano Ronaldo
Milan: G Donnarumma; Conti, Duarte, Romagnoli, Theo Hernandez; Paqueta, Bennacer, Krunic; Suso, Piatek, Calhanoglu.
