Pas humbjes në mes javë ndaj Borussia Dortmund, Interi përgjigjet në kampionat duke arritur një fitore me përmbysje me rezultatin 2-1 ndaj Veronës, në “San Siro”.
Pavarësisht se e nisi mirë lojën, ekipi i Veronës fitoi një 11- metërsh duke e shndërruar në gol me anë të Verre, në minutën e 19-të.
Nga ai moment Interi reagoi, duke marrë kontrollin e lojës, por pavarësisht tentativave të shumta, portieri Silvestri shpëtoi portën në disa raste, duke arritur të ruajë avantazhin e Veronës në pjesën e parë.
Goli i barazimit për Interin do të vinte vetëm në minutën e 68’, kur pas një krosi të Lazaros në zonë, Vecino kërceu më lart se të gjithë dhe arriti të dërgojë topin në rrjetë, duke rindezur entuziazmin dhe besimin te të tijtë. Ndërsa golin e fitores e shënoi Nicolo Barella në minutën e 83-të.
Ndërsa në ndeshjet e tjera të luajtura ditën e djeshme të vlefshme për javën e 12-të të kampionatit, bie në sy barazimi i Napolit pa gola ndaj Genos, duke e future në një krizë ekipin napolitan e cila ka katër ndeshje radhazi pa fitore.
Gjithsesi me këtë fitore, Inter merr kryesimin e Seria A, në kuotën e 31 pikëve, dy më shumë se Juventusi i vendit të dytë, për që zhvillon sonte në “Allianz Stadium”, ndeshjen e saj ndaj Milanit.
