Detaje të reja kanë dalë në dritë nga aksidenti i rëndë ku humbën jetën dy 17-vjeçare dhe u plagosën tre të tjerë në Bërzhitë mëngjesin e sotëm. Kujtojmë se automjeti me të cilin udhëtonin vajzat dhe dy të mitur, drejtohej nga një 18-vjeçar i cili është identifikuar si Francesk Shaba, për të cilin mësohet se nuk kishte leje drejtimi, por kishte marrë patentën e të atit.
Nga aksidenti i rëndë mbetën të plagosur shoferi 18-vjeçar, dy djem 14-vjeçar ndërsa humbën jetën dy vajza të reja.
Sipas njoftimit zyrtar të policisë, aksidenti dyshohet se ndodhi për shkak të lagështirës në rrugë dhe shpejtësisë tej normave të lejuara. Burime për BoldNews bëjnë me dije se të rinjtë po ktheheshin nga një ditëlindje gjatë mesnatës.
Për të riun F.Sh., i cili ndodhet në spital nën kujdesin mjekësor është lëshuar një urdhër arresti nga policia. Siç shihet në pamjet më poshtë, automjeti është shkatërruar.
Automjeti me të cilin udhëtonin të rinjtë.
Në foton më sipër janë dy vajzat të cilat humbën jetën në aksident. Ato janë identifikuar si Denada Tarja dhe Suada Serani.
Çfarë u raportua fillimisht në media?
Një aksident me pasojë vdekjen e dy personave ka ndodhur rreth orës 01:00 të mesnatës. Mjeti u përplas me një pemë dhe për pasojë humbën jetën 2 vajza të reja.
Më tej policia bëri me dije se automjeti drejtohej nga një 18-vjeçar i cili mbeti i plagosur bashkë me dy djem të tjerë 14-vjeçarë. Por ajo çka u zbulua së fundmi është se i riu i cili drejtonte automjetin, ishte pa patentë. Të rinjtë mësohet se ishin një grup shoqërie të cilit kanë festuar një ditëlindje deri në mesnatë.
LEXO EDHE:
Aksidenti në Bërzhitë/ Humbin jetën dy 17-vjeçare, plagosen 3 të tjerë. Policia jep detajet
Makina e shkatërruar, dalin pamjet e rënda nga aksidenti në Bërzhitë
