Një aksident masiv është regjistruar sot në Fushë-Kosovë, dhe si pasojë shtatë persona kanë mbetur të plagosur.
Mediat kosovare raportojnë se aksidenti ka ndodhur pasditen e sotme, rreth orës 17:25, ndërsa në përplasje janë përfshirë 8 mjete. Aksidenti ka ndodhur në autostradën e Kosvës, nga Fushë-Kosova në drejtim të Sllatinës.
Lajmin e ka konfirmuar dhe Policia e Kosovës, e cila thotë se si pasojë e aksidentit të shumëfishtë janë plagosur shtatë persona.
“Aksidenti ka ndodhur në dalje të Fushë Kosovës drejtimi për Sllatinë në ora 17:25. Në aksident janë përfshirë tetë vetura, si pasojë e aksidentit janë lënduar shtatë persona”, ka thënë Bajram Krasniqi, zëdhënës për media në Policinë e Kosovës.
