Këshilli i Emërimeve në Drejtësi ka publikuar sot në Fletoren Zyrtare listën përfundimtare të kandidatëve për gjyqtar në Gjykatën Kushtetuese, në vendin vakant të shpallur nga Presidenti i Republikës më 4 mars të këtij viti.
Katër emrat janë publikuar sot dhe kryesohen nga Arta Vorpsia me 89.642 pikë, pasuar nga Fjona Papajorgji me 88.785 pikë, më pas vjen Elsa Toska me 85. 428 pikë dhe në fund Marsida Xhaferllari me 82.000 pikë.
Kujtojmë se dy ditë parë kishte një përplasje mes KED dhe Presidentit Ilir Meta, pasi presidenti nuk pranoi që të dekretojë emrin e dytë për anëtarin e Gjykatës Kushtetuese, dhe sipas tij, nuk është respektuar radha kronologjike për plotësimin e vendeve vakante në GJ.Kushtetuese, dhe KED ka marrë një vendim jo kolegjial.
