Dhjetra persona kanë mbetur të plafosur si pasojë e shembjes së çatisë të teatrit Piccadilly në Londër gjatë një shfaqjeje.
Një pjesë e tavanit ra pak para orës 20:00, kur kishin kaluar 20 minuta që kishte nisur të luhej vepra “Death Of A Salesman”.
Pesë anëtarë të publikut u dërguan në spital për shkak të lëndimeve që kishin marrë, ndërsa më shumë se 1.000 njerëz u evakuuan nga vendi i ngjarjes. Aktori Wendell Pierce, u kërkoi falje atyre që ishin evakuuar.
Një video e shpërndarë në mediat sociale tregon aktorin amerikan jashtë teatrit, duke i kërkuar turmës të kthehet dhe të shikojë shfaqjen një herë tjetër.
“Ne jemi aq të nderuar që erdhët sonte. Na vjen shumë keq që ndodhi kjo”– tha ai.
Gazetari i BBC-së Iain Haddow, i cili ishte në audiencë, tha se kolapsi ndodhi rreth 20 minuta në shfaqje.
Ai tha se para rënies kishte rrjedhur ujë nga tavani, megjithëse në atë kohë nuk binte shi dhe tha se u shkaktua pak panik kur tavani u shemb.
