Epo mesa duket ky do të jetë sezoni i bruneve dhe nuk e themi pa arsye. Një tjetër bjonde besnike ndër vajzat e njohura shqiptare ka vendosur të surprizojë me ndryshimin në pamje të jashtme.
Kejvina Kthella ka pozuar në foton më të fundit me flokë të gjatë e ngjyrë të errët dhe nuk mund ta mohojmë që duket krejtësisht ndryshe. Ndonëse kjo duket të mos jetë zgjedhja e përhershme e Kejvinës, ndjekësit kanë nisur menjëherë ta komplimentojnë. Nuk dihet nëse Kejvina vendos të shndërrohet në brune për disa kohë, megjithatë një foto e tillë ka sjellë reagim pozitiv ndër përdoruesit e Instagramit.
Që nga koha e daljes në ekran, Kejvinën e kemi parë gjithmonë bjonde dhe ndryshimi i vetëm që ka bërë ka qenë prerja e flokëve mbi supe, në kohën kur ky model u shndërrua në tendencë. Duket se vajzat e njohura po shkojnë drejt të zezës si ngjyrë ideale për flokët këtë sezon, pasi jo më larg se dje pamë Rita Orën e Dojna Memën t’i drejtoheshin kësaj zgjedhje.
