Aaron Ramsey pranon se i kërkoi falje shoku të skuadrës, Cristiano Ronaldo, për shtyrjen që i bëri topit pas gabimit të portierit kundërshtar, gjë që çoi në mohimin e një goli që do të mbante emrin e Ronaldos.
Me këtë gol Ronaldo do të hynte në histori, sepse do të bëhej futbollisti i parë që i shënonte 34 skuadrave të ndryshme në Ligën e Kampioneve.
Ndërkohë pas ndeshjes, mesfushori uellsian, zbuloi se i ka kërkuar falje portugezit duke thënë:
“Mendova se portieri ishte më afër dhe kishte mundësi të zhytej dhe të largonte topin pa kaluar vijën fatale. Instinkti im më bëri që të sigurohesha që topi ta kalonte vijën e bardhë. I Kërkova falje Cristianos për këtë gjë, sepse i hoqa mundësinë të vendoste një tjetër rekord”.
https://www.youtube.com/watch?v=5J7DF0uFBhk
