Legjenda e Realit të Madridit, Iker Casillas, në mënyrë të bujshme është rikthyer në stërvitjen e Portos, gjashtë muaj pas pësoi një atak kardiak.
Raportimet në atë kohë bënin të ditur se Casillas, nuk mund të vazhdonte më futbollin e luajtur pas arrestit kardiak.
Por tani duket se legjenda spanjolle është rikuperuar në mënyrë të plotë dhe mund t’i rikthehet skuadrës.
Për të zyrtarizuar rikthimin e tij, ai postoi një foto e këpucëve të futbollit, duke shkruar: “6 muaj e tre ditë pa i veshur”.
Casillas është një nga portierët më të dekoruar në histori. Ai ka fituar një kupë bote, dy kampionate evropiane me Spanjën, gjithashtu 5 kampionate në La Liga, tre “Champions League”, dy “Coppa del Rey” dhe një kampionat portugez.
