Rikthimi në shtëpi pas shumë vitesh nuk ishte i lehtë. Shumë gjëra ndryshojnë me kalimin e viteve. Ndonjëherë, edhe ju ndryshoni, gjithashtu. Dani Alves u kthye në Brazil pas disa sezoneve në Europë me Sevilla, Barcelona, Juventus dhe PSG. Mbrojtësi pranoi verën e këtij viti ofertën e Sao Paolo.
Sidoqoftë, nuk e ka më entuziasmin e ditëve të para. Kulmi i këtij trendi në rënie ishte derbi i luajtur kundër Palmeiras më 30 tetor, humbja 3-0 dhe më pas ulja e tij në stol.
“A është krim ta shihni Dani Alves në pankinën e Sao Paolo?” – pyeti një gazetar i ESPN të Brazilit. Lojtari me më shumë trofe të fituar në karrierë u prezantua në stadiumin “Morumbi” para 40.000 tifozëve, u prit si një yll i vërtetë. Sipas një studimi të “Globo Esporte”, marrëveshja kontraktuale ishte një nga katër më të rëndësishmet në futbollin brazilian: prapa Romario-Flamengo në vitin 2005, Ronaldo-Corinthians në vitin 2009 dhe Ronaldinho-Flamengo në vitin 2011. Dani Alves pothuajse gjithmonë bëri mesfushorit në Brazil, por u kthye në rolin e tij të natyrshëm si mbrojtës kësaj here.
Megjithatë, nuk arriti t’i jepte një dorë ekipit të tij. Pas ndeshjes, iu përgjigj kritikave që ka marrë së fundi: “Nuk ka stabilitet futbolli në Brazil. Si mund ta ndërtoni karrierën tuaj këtu? Unë kam vetëm 3 muaj këtu dhe tashmë shihem si i padobishëm. Jam futbollisti më i madh në histori për trofetë e fituar, megjithatë ka një debat për dobinë time apo jo. Kam luajtur 8 vite te Barça dhe kam fituar 23 tituj, sepse atje kishte stabilitet, gjërat nuk ndërtohen sot për nesër”. Fjalë të ashpra nga një lojtar, që në Brazil prisnin më shumë nga kthimi i tij.
