Prokuroria e Krimeve të Rënda dhe ajo e Tiranës kanë kthyer përgjigje në KPA për subjektin e rivlerësimit Besnik Muçi. Ky i fundit u konfirmua në detyrë nga KPK, por vendimi u ankimua pasi një person të cilit Muçi i kishte blerë shtëpinë ishte i dënuar për moskallëzim krimi. Po ashtu, edhe një tjetër, të cilit i kishte blerë makinën.
Në seancën e sotme, Muçi është shprehur se ka paraqitur me shkrim parashtrimin lidhur me aktet e ardhura nga prokuroritë.
I pyetur në seancë nga trupa gjykuese, “cili është komenti juaj lidhur me këto akte”.
Muçi u shpreh se, “nga këto dokumente nuk rezulton asnjë e dhënë që krijon konflikt interesi me shtetasin A.L., i cili ka qenë i përfshirë në procedime penale. A.L është një nga tatimpaguesit dhe biznesmenët më të mëdhenj të bashkisë Tiranë. Në 2018 kam derdhur në llogarinë e kompanisë 7 mije euro, për 2019 kam derdhur në llogari 14 mijë euro te ardhura këto nga një kontratë kredie”.
Pak ditë më parë, Muçi ishte në detyrën e prokurorit te Krimet e Rënda. Tanimë, ai është anëtar i Gjykatës Kushtetuese, i dekretuar nga Presidenca.
Përsa i përket deklarimit të pasaktë të pasurisë Muçi shprehet se animimi i Komisionerit Publik është i pabazuar në prova, ndërsa ka paraqitur vetë prova të reja.
KPA mori në shqyrtim një raport sektet të DSIK dhe pyeti Muçin se kur ka marr dijeni se shtetasi A.L ishte i përfshirë në procedime penale? “Kam ardhur në dijeni pasi DISK ka sjellë raportin dhe pasi është bërë publike në media. Dua të sqaroj opinioni publik kush janë personat dhe me çfarë akuzohen. I pari është administratori i kompanisë, i dënuar për moskallëzim krimi, personi që mua më ka shitur apartamentin. Personi tjetër i lidhur, është shtetas që unë i kam blerë një mjet. Ai është proceduar dy herë nga Prokuroria. Është dërguar në gjyq për drejtim në gjendje të dehur të mjetit dhe kundërshtim të punonjësit të policisë. Këmbëngulja e KP për ta përdorur si provë nuk ka asnjë vlerë për procesin në fjalë. Në kushtet kur nuk ka shkak ligjor për t’u pranuar gjatë procesit, vlerësoj që nuk jemi në rrethana për marrjen e kësaj prove”, tha ai.
