“Boldnews” zbardh dosjen hetimore ndaj 56-vjeçarit italian Ferdinando Muollo, të cilit i janë sekuestruar 750.000 euro pasuri me urdhër të prokurorisë së Durrësit.
Pasuritë, dyshohet se janë përfituar nga veprimtaria kriminale e 56-vjeçarit italian Ferdinando Muollo, i dënuar me 8 vite burg në Itali, si pjesë e konflikteve mes klaneve kriminale dhe porositës i një vrasjeje.
Ekzekutimi i Ridosso Salvatore-s, porositur nga ish-ortaku i tij në biznes Ferdinando Muollo, ka sjellë kundërpërgjigjen e grupit kundërshtar, me dy vrasje.
Episodi i pare i vrasjes se Salvatore Ridosso-s më 16.05.2002 nga grupi “Muollo” sjell përgjigjen e grupit “Ridoso” dhe aleatëve të tij me vrasjen e Andrea Carotenuto, më 16.5.2002 dhe tentativën e vrasjes ndaj Generoso Lauro më 02.02.2003. Në fund sjell vrasjen e Luigi Muollo-s, më 09.09.2003.
VRASJA E RIDOSSO SALVATORE-S
Ridosso Salvatore vritet më datë 15.5.2002, rreth orës 11:15, në “vila Pasquale Vitiello” në Scafatti (Itali) nga një person që i qëllon një plumb në kokë pasi e kishte ndjekur dhe arritur brenda fabrikës “Mexall Progress”. Më pas, largohet, me një motoçikletë të fuqishme të drejtuar nga një bashkëpunëtor më të cilin kishin mbërritur në vendin e krimit. Aksioni do të ketë qenë “i frikshëm” dhe mbresëlënës, sepse aty u gjetën 9 gëzhoja me kalibër 9mm e marka e armës “GFL Luger” dhe tre maja plumbash të deformuara.
Sipas akuzës, Ridosso Salvatore u vra materialisht nga Valentino Mansi me porosi të të akuzuarit të sotëm Ferdinando Muollo, ndërsa Luigi Muollo (i vrarë më 9.9.03) ishte jo vetëm porositës por edhe organizator i krimit.
Motivi i krimit, ashtu siç shprehet në vendimin e gjykatës italiane, është ai i një mosmarrëveshjeje të lindur midis të akuzuarit dhe viktimës që fillimisht ishin ortakë në disa aktivitete legale dhe ilegale, por edhe për të theksuar supremacinë kriminale në Scafati e përreth.
Prandaj krimit në fjalë i është aplikuar rrethana rënduese speciale ku në radhë të parë bashkëfajtori Luigi Muollo (i vrarë nga grupi RIDOSSO) është konsideruar një figurë e rëndësishme e organizatës kriminale të quajtur TAMMARO-DI LAURO-MUOLLO, ekzistenca dhe veprimtaria e së cilës është e njohur nga vendimi i GJYKATËS së NOCERA INFERIORE i datës 19.2.07, që ka marrë formë të prerë.
Dhe viktima, Valentino Ridosso, nga ana e tij ishte një person që vepronte sipas metodave kamorriste.
KONFLIKTET NË BIZNES
Nga deklaratat e marra, duke filluar nga data 24.05.2002 nga shtetasi Romolo Ridosso, bashkëpunëtor i drejtësisë, nga të cilat kuptohen arsyet e vërteta të debatit midis të vëllait Salvatore dhe të pandehurit, që lidhen me administrimin e disa shumave të konsiderueshme parash me prejardhje publike, në favor të shoqërisë që ushtronte në fushën mjekësore “ASE ENTERPRISE” e MUOLLO-S, e në të cilën Salvadore Ridosso ishte bërë ortak i fshehtë nëpërmjet futjes në këtë shoqëri të gruas Ana Borelli e cila ishte përjashtuar në mënyrë progresive.
Në mënyrë të veçantë, Salvadore Ridosso, duke pasur parasysh shumën e madhe të parave që qarkullonte nga arkat publike në ato të shoqërisë, rrethanë për të cilën kishte pasur dijeni fare rastësisht, i kishte kërkuar të pandehurit kthimin e menjëhershme të 150 milion lirave, të investuara në këtë shoqëri, përveç kuotës pjesë e financimit publik. Në përgjigje të kësaj kërkese viktima kishte reaguar duke i thënë Salvatores se për të marrë ato, Ferdinando Muollo ishte përgjigjur të pandehurit se “do të gjuante Gigino-n (L. Muollo) me gazetë në fytyrë e më pas do ti qëllonte me dy plumba në kokë”.
Nga përmbajtja e disa përgjimeve mjedisore të kapura brenda makinës Renault në përdorim të të penduarit, dhe ku gjatë të parës prej të cilave nipi Luigi i datëlindjes 1986, djalë i të vrarit, i atribuojnë vrasjen e të afërmit “atij bastardit Ferdinando” duke iu referuar qartësisht, të pandehurit të sotëm, ndërsa gjatë një bisede të dytë, Gennaro Ridosso, djali i Romoso-s dhe nip i viktimës, i tregon kushëririt Luigi dhe xhaxhait Antonio se kishte marrë pjesë në takimin ku viktima e kishte kërcënuar Gigino-n, “në fillim do ta godas me gazetë në fytyrë e më pas do ti qëlloj me plumb”.
Nga deklarata e Gennaro Ridosso që ka konfirmuar se ka dëgjuar xhaxhain Salvatore duke u shprehur me ato fjalë në drejtim të të pandehurit te sotëm.
Nga deklarata e mëtejshme të dhëna nga i penduari Romolo Ridosso, sipas të cilit Muollo kishte pranuar, të paktën sa për sy e faqe që të takonte vëllain Salvatore për të sheshuar këtë gjë të dielën në vijim (19.5.02), por Muolo kishte vendosur të hiqte qafe të vëllanë duke e vrarë nga dora e Luigi Muollo (më pas i vrarë) me Valentino Mansi-n.
