Fermerët e Myzeqesë, vazhdojnë të protestojnë kundër qeverisë lidhur me mungesën e tregut për prodhimet e tyre. Gjatë ditës së sotme, ata kanë dalë sërish në protestë, duke hedhur prodhimet e tyre me qëllim që t’i kujtojnë qeverisë se ato nuk kanë vlerë për aq kohë sa nuk gjejnë tregun e duhur. Tarifat me të cilat ata tregtojnë janë tepër të ulëta. Nuk kanë subvencionime dhe nuk marrin asnjë ndihmë nga shteti për të mbjellat.
Fermerët në Karbunarë të Lushnjes hedhin prodhimin e trangujve në kanal.
Fermerët shprehen se mungesa e politikave të tregut po i falimenton.
Por nuk janë vetëm fermerët e Lushnjës ata që protestojnë. Në këtë gjendje janë edhe fermerët e Beratit e të Fierit.
