Kina sot kaloi në rrjetin më të madh në botë, atë 5G.
China Mobile (CHL), China Telecom (CHA), dhe China Unicom (CHU), të gjitha ofrojnë rrjetin 5G që fillojnë tek 18 dollarë për 30 GB data në muaj, duke i dhënë përdoruesve të internetit në Kinë, akses të një shërbimi ultra të shpejtë.
Shërbimet komerciale 5G, tani janë të disponueshme në 50 qytete, duke përfshirë Pekinin, Shangain, Guangzhou dhe Shenzhen, sipas agjencisë së lajmeve kineze, Xinhua.
Ndërkohë shtete të tjera duke përfshirë SHBA-në dhe Korenë e Jugut, nisën shërbimet 5G në zona të caktuara më herët gjatë vitit, por rrjeti komercial i Kinës është më i madhi, sipas “Bernstein Research”, duke i dhënë vendit influencë më të madhe në evolucionin e teknologjisë globale.
Kina ka më shumë përdorues të internetit nga telefoni se çdo vend tjetër, me rreth 850 milionë njerëz që përdorin telefonat e tyre për të lundruar në internet, sipas Xinhua.
Analistët e bankës “Jefferies”, parashikojnë se Kina do të ketë 110 milionë përdorues të rrjetit 5G, rreth 7% të popullatës së vendit në fillim të vitit 2020.
