Qytetarët shprehin pakënaqësinë ndaj ambasadës amerikanë në Tiranë.
Përmes një shënimi në faqen zyrtare në Facebook, ambasada përgëzon Shqipërinë, duke u bazuar në Raportin e Vendeve për Terrorizmin të Departamentit Amerikan të Shtetit.
“Ambasada e Shteteve të Bashkuara të Amerikës përgëzon Shqipërinë për përpjekjet e shtuara në forcimin e sigurisë kufitare, ndalimin e suksesshëm të terroristëve të njohur apo të dyshuar, si dhe për hapat drejt përmbushjes së plotë të rezolutës 2396 të Këshillit të Sigurisë së Kombeve të Bashkuara për të përmirësuar kontrollin e pasagjerëve që hyjnë në Shqipëri në rrugë ajrore”, thuhet në reagimin e ambasadës.
Komentet e qytetarëve, të cilët shprehin pakënaqësi ndaj ambasadës, kanë qenë të shumta.
“Edhe ne ju përgëzojmë juve dhe ju përshëndesim ‘alla Boshard’…”, komenton dikush.
Të tjerë kujtojë situatën e kriminalitetin në vend dhe atentatin e sotëm ndaj prokurorit Arjan Ndoji.
“Këtu po vriten ditën për diell në mes të qendrave kryesore me breshëri ju thoni ‘përgëzime’”, shkruan dikush. “Ai dyqani i celularëve e sfidoi gjigantin Lockheed Martin, bravo . I mbajti fikur radarët dhe trafiku i drogës arriti me Ndraghetan deri në Amerikë. Urime”, komenton një tjetër.
Të tjerë shprehin pakënaqësi ndaj qeverisë Rama.
“Pergezojme dhe qeverine e rrrrrilindur Rama, per meriten e vetme qe ka duke i katandisur shqiptaret kliente te perhershem te llotarise amerikane dhe te azileve europiane….”, shkruhet në një koment.
