Biznesmeni i njohur “gay” Elton Ilirjani dha një përgjigje për të gjitha provokimet gjatë qëndrimit në Shqipëri, duke i cilësuar të gjitha sjelljet e tij si një formë proteste për të ndryshuar mentalitetin e shqiptarëve.
Eltoni nuk ngurroi të japi një përgjigje edhe për përplasjen me deputetin Kujtim Gjuzi, të cilin e quajti hipokrit dhe të padenjë për të qenë pjesë e parlamentit të Shqipërisë.
Ndër të tjera, ai u shpreh se kryeministri Rama, ndryshe nga pjesa tjetër e politikanëve, është të paktën simpatik.
“Rama është në botën e vet, të paktën është estetikisht korrekt, se të tjerë ti ke, po si Edi Rama, por të shëmtuar. Simpatik është ai kur del dhe të përfaqëson është simpatik, atë e ka…”, theksoi Eltoni i ftuar në “Ftesë në 5” me Bieta Sulon.
Ai tha gjithashtu se një deputet e kishte kërcënuar, duke i thënë se meriton që t’i vijnë në hak kuksianët, duke shprehur indinjatën e thellë me kulturën që karakterizon njerëzit e zgjedhur nga populli.
