Një nga personat e plagosur rëndë në atentatin e ndodhur në mbikalimin e Shkozetit ndaj prokurorit të Durrësit Arjan Ndoja, është edhe shtetasi Andi Maloku. Maloku, 30 vjeç, ishte në drejtimin e mjetit, kur ndaj makinës tip “Benz ML” u qëllua me breshëri.
Raportohet se Andi Maloku është një ish punonjës policie në komisariatin e Krujës. Ai ka disa kohë që punon si shofer shoqërues i prokurorit Arjan Ndoja.
Plumbat i kanë prekur Malokut shtyllën kurrizore dhe për pasojë ai u transportua nga spitali i Durrësit në Spitalin e Traumës në Tiranë, për mjektim më të specializuar.
