65 pasagjerë të vdekur është bilanci i një incidenti ku një tren që po udhëtonte nga qyteti pakistanez i Karaçi për në Rawalpindiu përfshi nga flakët.
Zjarri mendohet se është përhapur në të paktën tre vagonë. Sipas zyrtarëve të cituar në mediat lokale, shumë nga viktimat vdiqën ndërsa u përpoqën të hidheshin nga treni që digjej. 30 të tjerë raportohet se janë plagosur dhe zyrtarët thonë se numri i të vdekurve mund të rritet ende, raporton BBC.
Ministri për Hekurudhat, Sheik Rashid Ahmed, tha se zjarri ishte shkaktuar nga shpërthimi i një bombël e vogël gazi që u përdor nga pasagjerët që gatuanin mëngjes.
“Dy soba gatimi u hodhën në erë. Ata po gatuanin, kishin vaj (gatim) që rrezikonte më shumë përhapjen e zjarrit”, tha Sheik Rashid Ahmed.
Pasagjerët që sjellin soba në trena për të gatuar ushqim në udhëtime të gjata është një problem i zakonshëm, tha ministri.
Ngjarja ndodhi afër qytetit të Rahim Yar Khan në jug të provincës Punjab. Treni që kalon nga Karaçi, në pjesën më të madhe të Pakistanit deri në Rawalpindi, është Tezgam – një nga shërbimet e trenit më të vjetër dhe më të njohur të Pakistanit. Shkon çdo ditë dhe udhëtimi zgjat 25 orë e gjysmë.
Pakistani ka një histori të aksidenteve hekurudhore me vdekje të shumta. Në korrik, 11 persona humbën jetën në një aksident, me katër vdiqën në një tjetër aksident në shtator.
