Një rrjet i trafikut të kokainës është shkatërruar nga Policia greke në Attica të Athinës. Të arrestuarit janë dy shqiptarë dhe një kroat të cilët janë kapur me 105 kg kokainë dhe 500 mijë euro, por identitetet e shtetasve ende nuk bëhen të ditur.
Siç shihet edhe në pamjet e mëposhtme sasia e drogës është gjetur në një enë me mbushur me rërë, brenda një furre në një apartament në lagjen e quajtur Brahami.
Sipas raportimeve, grupi funksiononte në zona të ndryshme të Athinës dhe oficerët e policisë nga Divizioni i Përmbarimit të Drogës Attica ndoqën dhe sekuestruan 105 kg kokainë dhe rreth 500,000 euro para të gatshme, pasi hetuan dhe përdorën informacionet në dispozicion të tyre.
Ministri i Mbrojtjes së Qytetarëve Michalis Chrysochoidis, postoi në Twitter një video ku shihet edhe pamjet e operacionit.
Γίνεται δουλειά. Πολλά συγχαρητήρια.@hellenicpolice | #ProstasiaPoliti
Νέα εξάρθρωση εγκληματικής οργάνωσης κατοχής και διακίνησης ναρκωτικών. pic.twitter.com/iy0dxOaCzc
— Μιχάλης Χρυσοχοΐδης (@chrisochoidis) October 31, 2019
