Miliarderja 22-vjeçare, Kylie Jenner, është frikësuar pasi një person, identiteti i të cilit nuk është bërë ende publik, ka tentuar të futet në shtëpinë e saj.
Sipas “TMZ”, në dokumentat e publikuara nga avokati i Kylie-t, personi në fjalë ka tentuar të futet me dhunë në banesën e saj.
Roja ka treguar se ai ishte nervoz dhe agresiv, teksa përpiqej të hapte me dhunë portën e jashme pavarësisht masave të sigurisë.
Kylie është shprehur se ndihet në rrezik për jetën e saj dhe sidomos të vogëlushes Stormi.
Për këtë arsye, policia ka dhënë një urdhër mbrojtjeje për biznesmenen dhe gjithashtu ka urdhëruar që personi të qëndrojë 100 metra larg shtëpisë dhe makinës së Kylie-t. Shpresojmë që Kylie të ndihet më e sigurtë tashmë.
