Mbrëmjen e sotme, ora 21:00, për të përmbyllur javën e 10 të Seria A, Milani pret Spal, në “San Siro”, ku do të përpiqet të shmangin ndonjë surprizë të mundshme.
Kuqezinjtë, vijnë në këtë ndeshje, me pesë humbje në nëntë ndeshjet e fundit, dhe gjenden në vendin e 13-të, në tabelën e renditjes.
Trajneri i ri, Stefano Pioli, akoma nuk ka arritur një fitore në dy ndeshjet e para, duke barazuar kundër Lecces dhe duke humbur ndaj Romës, fundjavën e kaluar.
Për të arritur tek fitorja e tij e parë në drejtimin e Milanit, “La Gazzetta Dello Sport”,raporton, se për këtë ndeshje ai do të bëjë katër ndryshime në formacion, krahasuar me atë kundër Romës.
Së pari, pritet që Leo Duerte, të zërë vendin e Andrea Conti-t, si mbrojtës i djathtë. Dy ndryshime të tjera priten dhe në mesfushë, ku Ismael Bennecer do të zëvendësojë, Lucas Biglia, si regjisor të skuadrës, dhe Giacomo Bonaventura, në vend të Lucas Paqueta, ndërsa së fundmi, Krzysztof Piatek, do të udhëheqi sulmin.
