Dy persona që ruanin makineritë e firmës që do të ndërtoje një HEC në Kaçinar të Mirditës janë dhunuar fizikisht, ndërsa 4 automjete janë djegur.
Nga raportimet mësohet se ngjarja ka ndodhur në orët e natës, ndërsa rojet e kantierit janë dërguar në spital për ndihmë mjekësore.
Dy personat e dhunuar kanë pësuar fraktura në trup.
Prej disa kohësh banorët e Kaçinarit protestojnë kundër ndërtimit të HEC, madje kanë krijuar përplasje me përfaqësues të kompanisë, por edhe pushtetit vendor.
HEC-i do të ndërtohet në lumenjtë e fshatit Shpërdhazë, Simonë dhe Arrëz.
