Presidenti Ilir Meta nisi sot një vizitë shtetërore dy ditore në Kroaci, me ftesë të Presidentes kroate Kolinda Grabar-Kitarović.
Vizita e Kreut të Shtetit, në Zagreb, vjen në prag të marrjes për herë të parë të Presidencës së Bashkimit Europian nga Kroacia.
Në maj 2020 në Zagreb do të zhvillohet edhe Samiti i radhës që do të marrë në shqyrtim kërkesën e Shqipërisë dhe Maqedonisë së Veriut për hapjen e negociatave me BE.
Presidenti pritet të zhvillojë disa takime, ku përfshihen edhe ato me Kryetarin e Parlamentit Gordan Jandroković, Kryeministrin Andrej Plenković, si dhe me përfaqësues të komunitetit shqiptar.
